澳門綠邨738電台

[sunny]

阿仙奴今季盛世再現，西班牙中場法比加斯更加成為球隊靈魂，為挽留呢位球壇瑰寶，連一向孤寒「兵工廠」都決定大破慳囊，最近向法比加斯開出一張價值三千三百萬鎊（約五億港元）八年新約，令佢成為隊中最高薪球員。

同加拿斯並列最高薪


雖然依家只得二十歲仔，但法比加斯已經被譽為英超、甚至係世界最佳中場，阿仙奴○六年已經同法比仔簽張八年合約，但球會高層最近決定再斟新約，唔單止同佢續到二○一六年，仲會將周薪由五萬鎊加到八萬鎊，同加拿斯並列兵工廠最高薪球員！

法比加斯亦證實呢件事，仲暗示樂意留隊：「我張合約到二○一四年先完，但球會已經準備同我再續新約，我好榮幸得到巴塞隆拿垂青，但係我英國過得好開心。」