澳門綠邨738電台

[sunny]

(星島日報報道)楊千嬅、梁漢文（Edmond）、鄭融、衞詩、應昌佑、鄧穎芝及EO2前晚為歌舞劇《烈女風雲》進行綵排，男女歌手化身為飛仔、飛女大鬥舞技，演繹一連串經典金曲。其中一幕Edmond彎身躲在千嬅背後，不禁令人聯想到早前廣播處處長朱培慶被發現與艷女把臂同行，慌忙失措躲在艷女身後的情景。

　　千嬅與Edmond前晚排練歌舞劇《烈女風雲》時，有一幕是要Edmond彎身躲在千嬅背後，跟早前朱培慶被拍到彎身躲在艷女CoCo身後如出一轍。由於話題敏感，千嬅即解釋：「唔似！嗰幕係講我捉Edmond，我似飛女，Edmond係飛仔，點會似呀？真係唔好立亂企喺人後面。」

　　Edmond亦加

入解釋：「我哋完全無諗呢樣嘢，場戲係講佢想捉我，係玩舞蹈嘅，同大家諗嘅嘢無關係，係排舞老師教㗎，我踎低整蠱，千嬅令佢搵唔到我。」而劇情最後講述千嬅與Edmond相戀，提到Otto笑指他們重演當年情，千嬅笑說：「如果幫到票房，我會話係。」

　　前晚Edmond有點跟不上節拍，並跳到滿頭大汗，直言此劇比演唱會更多舞蹈編排。他們更會演繹張學友的《餓狼傳說》，談到有報道指學友在新加坡個唱上以搖滾風格演繹此曲，卻被傳媒指他突然失常，千嬅說：「係咩？咁爆？每個地方文化喜好都唔同，我只知想買4張最貴嘅飛都買唔到。」

　　Edmond覺得《餓》不易跳，所以非常佩服學友。此外，鄭融與兩位高大型男應昌佑及Otto跳舞，笑言令她更覺嬌小，頂高腳尖也只到對方膊頭，又大讚Otto性格鬼馬。